وصفة سهلة للعناية باليدين 2013 – خلطة طبيعية للعناية بالايدي 2013
المكونات :
قطعة متوسطة من شمع العسل
ملعقة زيت لوز حلو
ملعقة زيت ورد
الطريقة:
حطّي شمع العسل في حلة سخنة على النار، وسيبيه على النار لمدة كام ثانية مع التقليب، وبعد كده ارفعي الحلة من على النار، واستمرّي في التقليب لغاية ما تحسي إن شمع العسل ذاب تماماً وبقى غليظ شوية، وبعد كده ضيفي زيت اللوز الحلو وزيت الورد، واستمري في التقليب علشان تتأكدي إن كل المكونات تجانست تماماً مع بعضها، وبعدين صبّي الخليط في برطمان زجاجي، واحتفظي به في الثلاجة.
والماسك ده أساساً للإيدين؛ لكن ممكن تستخدميه كمان لبشرة الجسم كله، بس تستخدميه بعد الحمام على طول؛ بحيث إن البشرة تكون مبلولة، وممكن تستخدميه كمان على الكوع والركَب وكعب القدمين، وبتسيبيه على بشرتك لمدة ساعة أو اثنين، وبعد كده تغسلي بشرتك بميه عادية، وبجد هتلاقي نتيجة حلوة جداً، وهتحسي إن بشرتك لونها بقى أفتح وكمان فيها نضارة.
