عملت فطيرة بالفواكه والقشدة طلعت طعمها رائع ايه رأيكم تشاركونى فيها
المقادير
كوب دقيق
علبة زبادى
معلقة بيكنج باودر
قطعة خميرة قد الليمونة
معلقة سكر للخمر
وميه دافية للعجن او لبن زى ماتحبى
نعجن العجينة ونسيبها تخمر حوالى ساعة وبعدين نفردها فى صينية مدهونة زيت ومبطنة بدقيق خفيف ونرش رشة سكر
ونرص عليها اى فاكهة نحبها انا كان عندى فراولة واناناس ونرش على الفاكهة سكر من فوق وبعدين نحط معالق قشدة متفرقة فى كل جوانب الصينية وندخلها الفرن
ونكون مجهزين عسل زى بتاع البسبوسة بارد ونسقى الصينية فور خروجها من الفرن
وبعدين نحطها تانى حوالى دقيقتين تحت الشواية بتاع الفرن
وهتطلع بالشكل ده
وده طبق ليكو ياقمرات
ودى صورة ايد رورو وهى بتقولى هاتها مم
