قشر الموز لتنعيم الشعر شعرك جميل مع قشر المز

خيراااا قررت أشارك بتجربتى ها كنت قريت ان قشر الموز لفرد الشعر وتنعيمه… وأخيرا قررت اجرب
وكانت النتيجة بجد أكتر من رااااااااااااااااائعة أنا لحد دلوقت مش مصدقة ان ده شعرى
أقولكم بقى عملته ازاى..كلت الموز وبعدين خدت القشر (اى كمية معقولة_بالبركة كده_) ومع شوية مايه صغنين واضربوا فى الخلاط وحطيت معاه معلقة زيت زيتون
طبعا شكله كان مش حلو خالص بعد ما اضرب بس برضه حطيته على شعرى
وسيبته على شعرى حوالى ساعة وبعدين غسلته… بصراحة غسيله ممل جدااااااا
النتيجة بقى….شعر ساااااايح وناااااعم وحاجة تشرح القلب كده
هو أنا اول ما غسلته كان مفرود بطريقة جميلة بس بصراحة لما نشف مبقاش مفرود آوى
بس النعووووووومة والسهولة فى التسريح فضلت زى ما هى
مع العلم ان أنا اصلا شعرى مش ناعم ..هو مش خشن برضه بس مش حلو
أنا بجد كل شوية اقعد اسرحه…أصلى مش مصدقة ان الشعر السايح ده بتاعى ( قولوا ما شاء الله)
وماما وأختى على فكرة برضه انبهروا بالنتيجة.
اه نسيت اقولكم هيا اصلا الوصفة انك تجففى القشر الاول وبضيفى تقريبا تفاح وكده
بس أنا لقيت فتوكة جميلة للأسف مش فاكرة اسمها…قالت ان هيا استخدمته من غير ما تجففه
فانا استسهلت وقلت اعمل زيها
وكنت هاجى اقولكم اول ما غسلت شعرى بس قلت استنا لما ينشف عشان أتأكد من النتيجة