حلويات قهوة بالصور
تشيز كيك ياباني قطني ..
Japanese cotton cheesecake
المقادير :
12حبه جبن كيري
60غ زبده
نص كاس سكر
نص كاس حليب
بشر ليمون
نص ملعقه صغيره فانيلا
25غ دقيق منخول تقريبا ثلاث ملاعق
20غ نشاء منخول ملعقتين ونص
5بياض بيض
5صفار بيض
الطريقه :
نجيب زبديه ونحطها بحمام مائي ونضع فيها الجبن والزبده والحليب
نحرك لين ماتكون المقادير سلسه وناعمه
نحط صفار البيض عليها ونستمر بالتحريك وبسرعه وانتبهو يغلي المزيج
وبعدها نضيف بشر اليمون والفانيلا والدقيق والنشاء ونحرك بسرعه بتثقل معانا شويتين
نتركها على جنب ونطفي النار..,
ناخذ بياض البيض ونخفقه بالخلاط ونضيف معاه ربع كاس السكر ونخفق ونضيف الباقي من السكر
نخلط المزيجين مع بعض ونقلب بشويش مرره بملعقه بلاستك او ملعقه عاديه ونخلطها دائره بعدين نص دائره اهم شي ماتسرعون ويفش البيض المخفوق
دهن الصينيه بزيت وممكن نبطن القاع بقطعة قصير او ورق زبده ونصب المزيج ونجيب صينيه كبيره ونحط فيها ماء مغلي ونحط قالب الكيك جوا ونولع الفرن مسبقا على170فهرنهايت تاخذ من ساعه الى ساعه وعشر دقايق
حلا ماله اسم ..
المقادير:
علبتين بسكوت شاهي
علبه قشطه
نص اصبع زبده
10 حبات جبن كيري
علبه حليب مركز
بسكوت اوريو
الطريقه :
نطحن البسكوت ناعم ونعجنه مع الزبده والقشطه ونشكله دوائر بعدين نرصه في الصينيه على شكل نصف دائرة
ونجوفها و نحط في وسطها كسره من الأوريو
نخلط الجبن والحليب زين
ونصب نصف ملعقه من خليط الجبن والحليب فوق الاوريو ,
وناخذ قسم البسكوت المعجون ونفرده بين ورق زبده ونقص منه عشان نغطي الخليط بس بشويش و نغطيه زيين ..
ممكن نغلف القالب اللي نستخدمه بورق نايلون عشان يسهل علينا اذا جا وقت التقديم
نقلبه ونرش عليها بودرة الكاكاو
ونحطه في قوالب ملونه
حلا الجوزاء
المقادير والطريقه …
بسكوت جوزاء مطحون مع زبده ونرصه بصينيه
الطبقه الثانيه بالخلاط زبادي 7فناجيل حليب بوده ثلاث فناجيل سكر بعد الخلط صبيها فوق البسكوت وعلى الفرن
واذا جمدت طبقة الخلطه برديها وزينيها بالجلكسي الذايب
وبالعافيه ..
…………
التمر بالصينيه
المقادير
2 اصبع زبده
2 ونص كوب دقيق
نص كاس سكر
فانيلا
ملعقه صغيره باكينج باودر
2 بيضه + فانيلا
تمر معبوط مع قرفه او اللي تحبون
سمسم للوجه
..
الطريقه
اخلطي صفار البيض و الزبده والسكر زين لين يفتح لونهم.. و اخلطي بياض البيض لين يصير مثل الكريمه او يفتح لونه بس .. اجمعيهم واضيفي الدقيق والباكينج باودر واعجنيها
اقسمي العيجينه نصفين بالضبط
افرديها بين ورق زبده اسهل لك و حطي سمسم في الصينيه وبعدين الجزء الاول من العجينه وبعدين التمر ( تفردينه بعد بين ورق زبده او نايلون) و تفردين القسم الثاني من العجينه وتغطين التمر .. ترش بسمسم وعلى الفرن
