المولتن كيك
المولتن كيك
المكونات :
نصف أصبع زبده غير مملحة + حوالي ملعقة لدهن القوالب .
ملعقتين صغار طحين أبيض
ملعقتين طعام كاكاو
رشةملح
سكر ناعم للتزين
٦٠
جم شكولاته غامقة
بيضه كامله
صفار
بيضتين
٣/٤كوب سكر أبيض يفضل يكون ناعم بس موب مطحوووون .
الطريقة
أول شي تدهنين صحون سيراميك ( صحون سوفليه بزبدة دافيه ) بعدين حطيها في الثلاجة أنا أستخدمت صحون حجمها ٣/٤ كوب تقريبا .
الحين شغلي الفرن على ٣٥٠ فهرنهايت .
أنخلي الكاكاو مع الملح و السكر في صحن .
بعدين في حمام مائي ذوبي الشكولاته مع الزبدة مع التحريك طبعا إلين تصير ناعمه.
الحين شيليها من الحمام و أخلطي معاها السكر و الملح و الكاكاو
.
بعدين أخلطي عليها صفار البيضتين وحركي زين وبعدين البيضة الكاملة و الطحين . بعد هذي المرحلة حاولي ما تحركين كثير إلين ينخلط بس .
الحين وزعيها على القوالب اللي سويتيها وبعدين على الفرن على طول .
الحلو في الوصفة هذي إنه يمديك تسوين الخلطة قبلها بيوم ، يعني للعزايم تنفعكم .
خليها في الفرن حوالي ٢٠ دقيقة يمكن أكثر ويمكن أقل ، المفروض تكون الأطرافبدت تستوي بس الوسط يلمع شوي ولو دخلتي عود يطلع وعليه خلطة .
طلعيها من الفرن خليها بس شوي تبرد بعدين بسكين فكي الأطراف و أقلبيها على صحن وزينيها عاد حسب رغبتك .
