فكان معايا بنوبونايه
فبقوله هات بوسه وانا اديهالك
لاقيت مامته
قالتلى لا كده غلط مش بحب اعود ابنى على كده
وقالتلى انها قرت فعلم النفس ان غلط كبير
نعود اطفالنا ان الحاجه ليها مقابل
بس كلامهاوالاعتقاد ده غلط اقولكم ليه
هى طبعا الفكره دى منتشره للاسف
بس فكره خاطئه جدا جدا
اول حاجه بنعلمها للطفل قول شكرا لم حد يديلك حاجه
يعنى الشكر مقابل الحاجه
تانى حاجه بتواجه الطفل
لما يشترى حاجه
ماهى مقابل الفلوس
لما يروح مدرسته
هيكون شاطر مقابل مذاكرته
لما يشتغل هياخد فلوس مقابل عمله ومجهوده
كل حاجه فحياتنا ليها مقابل
طب ليه نربى غلط ونقول ميتعودش
ان الحاجه ليها مقابل؟؟؟
خصوصا البنات
لازم يتزرع جواهم فكره المقابل
محدش هيديها حاجه فحياتها لله فلله
لازم مقابل
فالطبيعى اننا مش بنقول حاجه غلط
لان الطفل الى هيتربى على ان مفيش مقابل
اولا: هيبقا فاكر ان كل شئ بيجى سهل
ثانيا: هيطلع انانى وعاوز ياخد وميديش
لانه اتعود ان مفيش مقابل
وانا بصراحه ارتحت جدا انى ربيت بنتى على كده
ان كل شئ ليه مقابل
فعودى طفلك على كده من صغره
لان فكره الحاجه مش بمقابل دى فكره خاطئه
