السلام عليكم ورحمة الله:
اليوم سويت لكم باستا
واتمنى تجربونها لانها طعمها يجنن
وطعمها نفس مطعم فنليز
المقادير:
زيت زيتون ملعقه كبيره
بصلة متوسطه وحده مقطع شرايح طويله ضعيفه
طماط متوسطه وحده مقطعه شرايح طويله ضعيفه
كوسا متوسطه وحده مقطع شرايح ضعيفه
فليفله خضرا متوسطه وحده مقطعه شرايح طويله ضعيفه
ثوم <<على حسب الرغبه
صدر دجاج مقطع شرايح ضعيفه
زيتون اسود
جبن موزريلا
مكرونه <<مو شرط نوع واحد عدة انواع انا ماكان عندي الا هالنوع وتحطين نفس مقدار الي في الصوره المكرونه مو حلو يطلع كثير
صلصة بيضا <<الي هي صلصة البشميل الكل يعرفها
صلصة حمرا <<مكتوب عليها صلصة الباستا
الطريقه:
بعد ماتستوي المكرونه تحطينها على جنب وتاخذين مقله كبير وتحطين فيه زيت زيتون ونحط البصل والطماط والكوسا والفليفله والدجاج والزيتون والثوم ونحرك فيه ويكون على نار عاليه
واذا بدء يتحمر نحط نص كاس ماي ونحرك فيه واذا نشف الماي نحط النص الباقي من الماي
بعدين نحط المكرونه والصلصة الحمرا ونحرك شوي وبعدين نحط الصلصة البيضا ونحرك شوي
واخر شي نحط الموزريلا
وهاذي كل الصور مع الطريقه
صحتين وهنااء وعاافيه
