هو طبق معروف عند الأغلبيه .. والكثير منكم يسوونه لانه سهل وسريع
بس حبيت اطرح لكم طريقتي في تحضيره …
المقادير
كيس توست(سليس)
دجاجه مسلوقه ومقطعه أو ” دجاج مفروم ”
خضار ” حسب المتوفر عندكم ”
بصله متوسطه مفرومه
مكعب ماجي/ بهار
مقادير الصلصه البيضاء
علبة قشطة
ملعقتين مايونيز
4 ملاعق جبنة سائلة
جبة موزاريلا للوجه (اختياري)
فلفل اسود
الطريقة
نحمر البصل حتى يصبح لونه اصفر
ونضيف عليه الدجاج والبهارات ونقلب فيه الى أن يتحمر قليلا
وبعدها نضيف الخضار ومكعب ماجي ونقلب حتى تختلط جميع المقادير مع بعض ونلاحظ استواهاا
ونخلي الحشوه على جنب اذا استوت
نخلط مقادير الصلصه البيضاء مع بعض ونحط عليها رشة فلفل اسود
وناخذ التوست ونقصص اطرافه ” نحتفظ بالاطراف وبعدين بقول لكم شو بنسوي فيها”
نجيب الصينيه الي بنسويه فيه (البايركس)
ونمسحه بشوي من الصلصه البيضاء
ونصف فوقه التوست
ونرجع نمسح التوست بالصلصه البيضاء
ونحط عليه الحشوه كامل
وبعد مانحط الحشوه نرجع نحط عليه التوست
ونحط عليه الصلصه البيضاء ونرشه على الوجه
شوي من جبن الموزاريلا “مثل ماقلت الجبن اختياري”
ندخلها الفرن لمدة نصف الى ثلث ساعه تقريبا ونحمرها من الأعلى
وهذا التوست بالدجاج قبل التقديم
بالعاااافيه…
