ملف كامل لعجينة السابلية

حبيباتى كنت دائما بدور على عجينة لعمل حلويات بسرعة وفى اى وقت وكمان ياسلام لو اقدر اعملها فى وقت فاضى واشلها فى الفريزر كلنا عارفين ان الواحده مننا ممكن يجلها ضيوف فى اى وقت وبتبقا عايذه تعمل اى حاجه حلو وبسرعة المهم انا بقى لقيت العجينة اللى فيه كل الموصفات دى ؟؟؟؟؟؟؟؟؟؟؟؟
حقولكم اهو
العجيننة هى (عجينة السابلية )
ميزات العجينة دى
1-انها بتتعمل بسرعة وحنقول ازاى
2-انها بيتعمل بيها مليون صنف ويمكن اكتر
3-انها ممكن تشليها فى الفريز وتستعمليها بعد كده
4-حتلقى كل البيت تقريبا بيحبها كل واحد حسب الصنف اللى بيحبه منها
ندخل بقى على المقادير
دى مقاديرى انا اللى بعمل بيها ممكن تعتمدى اىمقادير اللى تعجبك لعجينة السابلية
1 كوب سكر بودرة
2 كوب زبده لينة(فى درجة حرارة الغرفه )
3كوب دقيق (طحين )
رشة ملح
هنا فى اضافات ممكن تستعمليها وممكن لا لكن الاصل المقادير اللى فوق
1 م ص فانليا (حسب الرغبة )
1م كبيرة كاكاو بودره(حسب الرغبة )
1 بيضة (حسب الرغبة )
الطريقة
نحط السكر البودره مع الذبده ونضرب لحد ما يبقى شكلها زى الكريمة ولونها يفتح

نضيف الدقيق لخليط السكر والذبده ونبداء نلم العجينة من (غير عجن) وهننننننننننا سر نجاح عجينة السابلية
تتلم بس عشان لما بتتعجن بتلقى الحاجه اللى انتى عاملها نشفه اوى (معضمة )ده المصطلح اللى بيتقال عليها لما بتبوظ ومش بدوب فى الفم

هنا لميت العجينة ولفتها فى بلاستك وعلى التلاجه ترتاح على الاقل ساعة وفى الخطوة دى ممكن نحطها فى الفريزر
لوقت الحاجه اطلعها واسيحها واستعملها

لحد كده دى الطريقة الرئسية لعمل السابيلة
الصور الجاية للحاجات اللى ممكن تتعمل بنفس العجينة
والكتير جدا ومتنوعة وحوريكم افكار وطرق تنفزها
نبدأ بسم الله
بسكويت كروهات
نقسم العجينة الى قسمين جزء يترك ابيض والاخر نضع عليه معلقة
كاكاو بودر



ملحوووظة
نلزق العجين فوق بعض بدهانه ببياض بيضة







هنا طريقة تانية بنفس العجينة لكن شكل تانى

نحط اللونين على بعض ونفرد شوية عشان يمسكو مع بعض


وفى التلاجه لمدة 2/1 ساعة

نخرجها ونقطع حلقات

ندهن الصنية مده دهنية او نحط ورق زبده

ندخل الصنية فى الفرن على حرارة 180 لمدة 10دقائق

هنا كانت الابيض مره هو الاول ومره الكاكاو هو اللى فى الاول