انهارده جيبالكم طريقه الستيك
زى ما مطعم ستيك هاوس بيعملها
بس للاسف ما صورتش الخطوات
عشان كوكى حببتى يادوب بس لحقت اصور الاكل بعد ما خلص
الطريقه
لحمه متقطعه ستيك مش طخين
قلتها فى الزيت بس يا دوب لونها يغير بشيلها واصفيها على ورق المطبخ
وبعدين اجهز خلطه
معلقتين دقيق وكوب كبير لبن وملح وفلفل وقرفه خشب وحبهات وورق لورى ومعلقه خل وفصين توم
كله فى الخلاط
وارص اللحمه فى بايركس وعليها الخليط وعلى البوتاجاز من فوق لحد ما تغلى
بس والخليط يبدق يتقل شويه
اغطيها بفويل وادخلها الفرن لمده ساعه او اقل حسب نوع اللحمه
وبعد ما طلعت رشيت عليها شيدر والجزء الاخضر اللى فى البصل الاخضر
كانت حلوه جدا وطعمها جميل وشاربه التدبيله كمان كانها متبله قبلها بكام يوم
وجنبها شويت بطاطس
قشرتها ولفتها فى فويل ودخلتها الفرن
ولما طلعت رشيت عليها ملح وفلفل
وحطيت جبنه كريميه او قشطه
حسب الرغبه
والف هنا
ودى صوره كمان للسفره كلها
