بابا غنوج
اليوم جايبة لكم طبق لذيذ ويارب تعجبكم
بالنسبة للمقادير للكمية القليلة إذا تبغونها كثير اعملوا ضعف الكمية
المقادير:
1 بادنجان متوسط الحجم
1 بصل حجم صغير
2 فصوص ثوم
2 م\ك عصير ليمون
2م\ك زبادي
2م\ك طحينية
ماء دافئ حسب الحاجة
الطريقة:
نجيب البادنجان ونغرزه بالشوك من كل الجوانب وندهنه بالزيت وندخله في فرن حار لمدة نص ساعة تقريبا أو أقل
طبعا مع التقليب
هذا شكله بعد الشوي
نحطه في مويه بارده عشان يسهل عملية التقشير
نرمي راس البادنجان ونقسميه لقسمين ونرمي البذور بقدر مانقدر
نحط كل المقادير في الخلاط ونصب المويه الدافية بالتدريج الين مانحصل على الشكل المطلوب ونزينه بالقدونس ونرش فوقه بزيت زيتون
وهذا شكله النهائي
وقدمته مع العيش الشامي البيتي
