عدم التجاوب من الابناء
وكيفية التغلب عليه
أي اخت منكم لما بتذاكر لاولادها بتشتكى ان البنت او الولد مش متجاوبين معاها
او تبتدى تتنرفز عليه وتقوله
انت غبى وانا غلبت معاك
بس مش بتقدرى تمسكى نفسك
انا مجربة
لازم تعرفيها
يعنى ايه يا مؤيده ؟؟؟
ومتعلم بصرى
ومتعلم لمسى…وهكذا
العيب فى المناهج الجميلة بتاعتنا اللى بتعتمد على اسلوب واحد فى التعليم
كل نوع من انواع الاطفال ان شاء الله هاكتبها كلها
استنونى 
فهرس الموضوع
المتعلم السمعى
المتعلم البصري
المتعلم اللمسي
ابنى من اي نوع منهم؟
اولا – للمتعلم السمعى
ده محتاج دايما يسمع المادة العلمية وبطريقة مبهرة و متكررة
يعنى مثلا الحروف
دايما دايما يسمعها على هيئة اغنية
هاتيله اغانى من على النت بتعلم الحروف وحتى القواعد النحوية
او جدول الضرب مثلا
لو كان كبير شوية
دايما طول اليوم غنى معاه
وخليه يشاركك حتى النطق
لما يبتدى يتملى لازم تنطقى
صح وبالراحة علشان المعلومة
تثبت معاه
فيه اطفال كتيرمن النوع ده
وكلمات الانجليش الكبيرة
لازم نقسمها ونعملها
مقاطع اغنية صغيرة
بكده عمره ماينساها
ثانيا – المتعلم البصري
وده طبعا بيستخدم عينيه
للتعليم اكتر من اى حاجة
ده تعملى معاه ايه؟؟
ده يا ستى تعمليله اراجوز هههههههههه بجد مش بهزر
كل حاجة بتعليمهاله لازم معاها
حركة بايدك او بوشك اوحتى
بجسمك كله يعلم بيها الحاجة دى وتفضل مرتبطة بيها فى دماغه
زى مثلا لو بتعلميه up و down يبقى ترفعى ايدك فوق فى up و تنزلى تقعدى فى down عمره ما هاينساها
غير بقى اللوحات التعليمية
اعمليها انتى وهو و الزقيها
فى كل حتة قدامه
يعنى خليه طول ماهو ماشى
شايفها وهكذا
وانتى وابداعاتك بقى
المتعلم اللمسي
بقى ده اكتر نوع مظلوم عندنا
وكل اللى حواليه بيتهموه بالغباء
وعدم القدرة على الاستيعاب
مع انه اكتر نوع تقدرى تبدعى معاه
و له افكار واساليب كتيرة
النوع ده بيتعلم كل حاجة
عن طريق ايده يعنى لازم يمسك
كل حاجة ويعملها بايديه
علشان تثبت فى دماغه
ابسط واقرب فكرة
هى الصلصال
تقدرى تشكلى معاه الحروف والارقام
فى فكرة تانية
ودى بتنفع مع الاطفال
اللى بيحبو البازل والفك والتركيب
اعمليله الحروف على
ورق مقوى وقسميها لقطع
وعليه يركبها ويكون الحروف تانى
وبالنسبة لتقسيم المجموعات
اعمليله مجموعات من اشكال
مختلفة ولخبطيهم وهاتيله
صناديق صغيرة وهو يقسم
الفكرة دى كمان بتنفع فى
حروف اللام الشمسية والقمرية
وهكذا
فى حاجات كمان شفتها فى محلات اللعب حروف وارقام صغيرة
بلاستيك مجسمة ومعاها
علامة+ و- للجمع والطرح
كمان علامة > و<
استغلى كمان اى حاجة
موجودة وشكلى منها الحاجة
اللى عاوزة تعليميهاله
اعرف واحدة بنتها كانت مغلباها فى حروف الانجليش وكانت فاكرة ان عندها مشكلة او نسبة ذكائها قليلة
وفى يوم عملتلها بطاطس محمرة صوابع البنت كتبت بالبطاطس حرف A وقالتلها على اسمه ومن يوها مامتها بتجسملها اى شيئ عاوزة تعلمهولها
يعنى مش لازم حاجات غالية ومتعبة علشان تعلمى ابنك
استنى ليا كلمة اخيرة معاك
بصى يا حبيبتى
انتى بس اللى تقدرى تحددى ابنك
من اى نوع من الانواع دى
انتى اللى عارفة قدراته وميوله
بالراحة على اولادنا
اوعى تكونى سبب
فى انه يكره التعليم
ملحوظه مهمه وهمسه
في اذنك يالغاليه
وقت المذاكرة خليكى مرحة
ومبسوطة كانك بتلعبى معاه
واوعى تشتكى منه لحد ادامه ابداااااااااااااااااااااااااااا
خدى الموضوع بهدوء وراحة ومرح
مش هاتبقى انتى والتعليم
عليه ههههههههههههه
فى الاخر بدعى ربنا انى اكون
قدرت افيدكم فى حاجة
وربي يبارك لكم في اولادكم
ويجعلهم من الصالحين
