أعشاش المكرونة

أعشاش المكرونة

خضار مشكله حسب الرغبه مقطعه مكعبات صغيره
( انا حطيت مشروم وكوسا وبطاطس وجزر وبصل وفلفل رومي )
البطاطس والجزر سلقتهم 3 ارباع سلق عشان ما ياخذون وقت بالاستواء مع بقية الخضار
وشوي ثوم مدقوق

●

كرات الدجاج من ساديا ( تغيير عن صدور الدجاج  )

●

زيت زيتون
صويا صوص
بابريكا (فلفل احمر مطحون)
مكعب ماجي
كريمه مخفوقه
جبن مبشور
وطبعا مكرونه اعشاش نسيت اصورها

● الطريقه ●

نقلي الكفته ونتركها على جنب

●

في مقلاه نضع قليل من الزيت زيتون

ونحمس الثوم والبصل على نار هادئه لين يصير لونه ذهبي << امحق فصحى

ثم نضيف الخضار بالتدريج ..

وآخر شي نضيف الملح والفلفل الاسود والماجي وشوي ببريكا ورشة صويا صوص

ونخلطها شوي ونتركها على جنب ..

●

نسلق المكرونه في صينية الكب كيك مع إضافة الملح

( ما لقيت طريقه افضل عشان تحافظ على شكلها )

وكل شوي نفتح الفرن إذا محتاجه ماي زياده او تحتاج تقليب عشان تستوي عدل

●

نضع اعشاش المكرونه في صينية فرن اخرى .. ثم نوزع الخضار على كل قطعه ..

●

نقطع الكفته إلى قسمين ( اشوفها كبيره على المكرونه  )

وبالملعقه نوزع الكريمه المخفوقه على المكرونه .. ثم نرش الجبن ..

وندخلها الفرن للتحمير فقط

●

وهذا صحني